काठमाडौं ।नेपाली काँग्रेसभित्र हालै उत्पन्न भएको भिजिट भिसा प्रकरणले राजनीतिक वृत्तमा व्यापक बहस सिर्जना गरिरहेको छ। गृहमन्त्री रमेश लेखककाे राजीनामाको मागसँगै कांग्रेसका वरिष्ठ नेताहरू—डा. शेखर कोइराला, डा. सुनिल शर्मा र श्री राजेन्द्र बजगाईंलाई पार्टीले स्पष्टीकरण माग गर्ने प्रस्ताव आएको थियो।
उक्त प्रस्ताव नेपाली काँग्रेसका पूर्व महामन्त्री तथा revered नेता बी.पी. कोइराला सुपुत्र, डा. शशांक कोइरालाले सभापति शेरबहादुर देउवालाई पार्टी बैठकमा राख्नुभएको थियो।
तर राजनीतिक मतभेदबीच पनि आपसी आत्मीयता, सम्मान र सहिष्णुताको दृश्य अझै जीवित छ भन्ने कुरा हालै सामाजिक सञ्जालमा भाइरल भएको एक भिडियोले स्पष्ट पार्दछ। उक्त भिडियोमा काँग्रेसका लोकप्रिय युवा सांसद तथा समाजसेवी डा. सुनिल शर्माज्यू प्रतिनिधिसभा भवनबाट डा. शशांक कोइरालाज्यूलाई विदा गर्दै गाडीको ढोका खोलिदिनुहुन्छ, उहाँको हात ढोग्दै नमन र आशीर्वाद ग्रहण गर्नुहुन्छ। यस दृश्यले प्रतिनिधिहरूबीचको पारस्परिक आदर, मर्यादा र संस्कारको गहिरो झल्को दिएको छ।
पत्रकारहरूसँगको कुराकानीमा डा. शर्माले भन्नुभयो, “शशांक दाइ अत्यन्तै सरल र निष्कलंक व्यक्ति हुनुहुन्छ। सम्भवत: कसैको भनाइमा प्रतिक्रिया जनाउनुभएको होला। उहाँको मन्तव्य सकारात्मक नै थियो, केवल एउटा शब्द मात्र चिप्लिएको हो। उहाँ बी.पी. कोइरालाको सुपुत्र हुनुहुन्छ, त्यसैले उहाँलाई आममाफी दिनुपर्छ।”
डा. शर्मा काँग्रेसका त्यस्ता बिरलै सांसद हुनुहुन्छ, जसले प्रतिनिधिसभाबाट कुनै तलब–भत्ता नलिने घोषणा गर्नुभएको छ। उहाँले देशैभरि स्वास्थ्य शिविरहरू सञ्चालन गर्दै आउनुभएको छ, जसबाट हजारौँ नागरिक लाभान्वित हुँदै आएका छन्। साथै, उहाँकै व्यक्तिगत पहलमा उपचार सम्भव नभएका बिरामीहरूलाई काठमाडौँ मेडिकल कलेज वा नोबेल मेडिकल कलेजमा निःशुल्क उपचार गराउने व्यवस्था मिलाइएको छ।
त्यसका अतिरिक्त, डा. शर्माले आफ्नो निर्वाचन क्षेत्रका नागरिकहरूका लागि नोबेल मेडिकल कलेजमा ५० शय्याको निःशुल्क क्याबिन स्थापना गर्नसमेत सफल हुनु भएको छ। हालै मोरङको बेलबारीमा एम्बुलेन्स हस्तान्तरण गर्नुभएको उहाँले सातवटै प्रदेशमा एम्बुलेन्स सेवा विस्तार गर्नुभएको छ।
यी सबै सेवामूलक कार्यहरूले माननीय डा. शर्मालाई एक जनप्रिय, समर्पित र जनतामाझ गहिरो स्थान बनाइसकेको छ। उहाँको व्यवहार र दृष्टिकोणले राजनीति केवल पद र शक्ति होइन, सेवा र संस्कारको यात्रासमेत हो भन्ने सन्देश दिन्छ।
राजनीतिक मतभेद स्वाभाविक हुन्, तर मानवीयता, आदर र आत्मीयता भने जोगिन सक्दछन् भन्ने प्रेरणादायी सन्देश डा. शर्माले दिनुभएको छ। सम्माननीय डा. शशांक कोइरालासँग उहाँको आत्मीय सम्बन्ध नेपाली राजनीतिमा सहिष्णुता र संस्कारको ज्वलन्त उदाहरण बनेको छ — जुन राजनीतिक मूल्य र निष्ठालाई पुनःस्थापित गर्ने दिशामा अत्यन्तै सकारात्मक संकेत हो।
