कानेपोखरी/जनमुखी बचत तथा ऋण सहकारी स.स्था लि. कानेपोखरी –७ ले ६७ औं राष्ट्रिय सहकारी दिवसको अवसरमा पालिका स्तरीय अन्तरमावि वक्तृत्वकला प्रतियोगिताको आयोजना गरेको छ ।
‘ग्रामीण विकासमा सहकारीको भूमिका’ विषयक वक्तृत्वकला प्रतियोगिता संस्थाको सभाहलमा चैत १७ गते भएको थियो । प्रतियोगितामा कानेपोखरी–६ को माउण्ट हर्मोन चिल्ड्रेन एकेडेमीकी दिपिका गजमेर प्रथम हुनुभयो । त्यस्तै सिंहदेवी मावि जहदाका कृष कार्की दोस्रो र आदर्श इङ्लिस स्कुल वरगाछीकी सायरा बजगाई तेस्रो हुनभयो । प्रथम, दोस्रो र तेस्रो स्थान प्राप्त गर्ने विजेतालाई क्रमशः३ हजार, २ हजार र एक हजार नगद सहित प्रमाण पत्र र दोसल्लाले सम्मान गरिएको थियो । जिल्ला बचत तथा ऋण सहकारी संघ लि. मोरङका सचिव जीवन बस्नेतले विजयी छात्र–छात्रालाई पुरस्कार तथा प्रमाणपत्र प्रदान गर्नुभयो ।
जनमुखी साकोसको शिक्षा उप समितिले आयोजना गरेको प्रतियोगितामा पालिकाका १४ माध्यमिक विद्यालय मध्ये १० वटा विद्यालयको सहभागिता रहेको थियो । जनकल्याण माविबाट सुस्मिरा जोशी,शिक्षा सदन माविबाट कृषिका गिरी,श्रीमावि भौंसावारीबाट नानुकला कार्की,शिक्षा विकास माविबाट नगेन्द्र राजवंशीको सहभागिता रहेको थियो । यस्तै जनसेवा माविबाट सन्ध्या गौतम्,रमाइलो बालजगत अंग्रेजी स्कुलबाट प्रकृति अधिकारी र पिनाकल ज्ञान मन्दिरबाट अर्पना पौडेलले सहभागिता जनाउनु भएको थियो ।
कानेपोखरी गाउँपालिका सहकारी शाखा प्रमुख रमेश अधिकारी र संस्थाका सल्लाहकार विजयगोपाल गड्तौला निर्णायक रहेको वक्तृत्वकलामा सहभागिलाई ६ मिनेट बोल्ने अवसर दिइएको थियो । कार्यक्रममा पर्ल एकेडेमी इङ्लिस स्कुल रमाइलो , श्रीमावि होक्लावारी , बाल मावि हरकपुर र मकालु मोरङ अंग्रेजी स्कुल कानेपोखरी –५ ले विद्यार्थी सहभागि गराएनन ।
शिक्षा उप समितिका संयोजक हरिप्रसाद कोइरालाको अध्यक्षतामा भएको वक्तृत्वकला कार्यक्रममा संस्थाका अध्यक्ष सञ्जीव खड्का ,श्री माविका शिक्षक प्रतिनिधि जङ्गबहादुर बोहोराले शुभकामना ब्यक्त गर्नुभयो । शिक्षा उप समितिका सचिव होमप्रसाद न्यौपानेले सञ्चालन गर्नु भएको कार्यक्रममा संस्थाका सचिव पुस्कर बजगाईँ, लेखा तथा सुपरिवेक्षण समितिका संयोजक मेनुका पौडेल लगायत सञ्चालक सदस्यहरू र कर्मचारीको उपस्थिति रहेको थियो ।