माेरङ। माेरङकाे कानेपोखरीमा १४औं राष्ट्रपति रनिङ शिल्ड प्रतियोगिता सम्पन्न भएकाे छ । वडा नम्बर ६ को जनसेवा मािव खेलकुद मैदानमा सञ्चालित सो प्रतियोगिता शनिबार सम्पन्न भएको हो । प्रतियोगितामा कानेपोखरी ६ जनसेवा मावि ले १० स्वर्ण, ६ रजत पदक सहित प्रथम हासिल गरेकाे छ । । यस्तै,७ नम्बर वडाकाे जनकल्याण मावि ले ४ स्वर्ण, १ रजत पदक सहित दाेस्राे स्थान हात पारेको छ । भने ३ स्वर्ण ३ रजत पदक सहित सिंहदेवी मावि वडा नम्बर ५ तेस्राे भएकाे छ ।
कार्यक्रममा अनुशासन तर्फ बेस्ट विद्यालय माउन्ट हर्मोन चिल्ड्रेन एकेडेमी बन्यो । गाउँपालिकामा २ दिन सम्म सञ्चालित प्रतियोगितामा पालिका भित्रका १६वटा विद्यालयले सहभागिता जनाएका थिए । प्रतियोगितामा विजयी हुने विद्यार्थी र विद्यालयलाई शिल्ड, मेडल र प्रमाण पत्र प्रदान गरिएको थियो । समापन कार्यक्रमको प्रमुख अतिथिका जिल्ला समन्वय समितिका प्रमुख अजम्बर राईले विद्यालय र विद्यार्थीलाइ पुरस्कार तथा मेडल प्रदान गर्नुभयाे । बिशिस्टका रुपमा कानेपोखरी गाउँपालिकाका उपाध्यक्ष भोला प्रसाद अधिकारी रहनुभएको कार्यक्रममा वडा अध्यक्षहरू, कार्यपालिका सदस्यहरू, शिक्षा समितिका पदाधिकारीहरू, राजनीतिक दलका प्रतिनिधिहरू, गाउँपालिकाको कार्यालयका शाखा प्रमुखहरू तथा विद्यालयका प्रधानाध्यापकहरूको उपस्थित रहेकाे थियो । कार्यक्रम सन्चालन राजकुमार बरालले गर्नुभएको थियो भने कार्यक्रमको अध्यक्षता युवा तथा खेलकुद विकास समितिका संयोजक चरण गुरुङले गर्नुभएको थियो ।
