फागुन १२ मोरङ(मिक्लाजुङ) मावा नुनसरी साूदायिक वन उपभोक्ता समूहको २० औं साधारणसभाबाट निर्वाचित पदाधिकारी र सदस्यलाई नेपाली काङ्ग्रेस मिक्लाजुङ गाउँपालिकाले शनिबार सम्मान गरेको छ ।
नेपाली कांग्रेसबाट उमेद्वार बनेर बिजयी भएका पदाधिकारी र सदस्यलाई शनिबार मधुमल्ला पार्टी प्यालेसमा सम्मान गरिएको हो । सम्मानित हुनेहरूमा सामूदायिक वनका अध्यक्ष कविन्द्र श्रेष्ठ , कोषाध्यक्ष आरती बराल , सदस्यहरू महेन्द्र साह, भक्त पौडेल ,उद्धव अधिकारी,तुलसा परियार र मनोज सुवेदी रहनु भएको छ ।
यस्तै लेखा संयोजक कमलप्रसाद ढकाल , लेखा सदस्य शान्ता लामा , निर्वाचन समितिका संयोजक मानबहादुर राई र अनुगमन तथा सुशासन समिति सदस्य रेवत बिष्टलाई सम्मान गरिएको छ । सोही अवसरमा नेपाल प्रेस युनियन मोरङका जिल्ला सदस्य एवम् सञ्चार क्लव नेपालका सञ्चालक सदस्य जीवन निरौला(किशोर)लाई सम्मान गरिएको छ । मिक्लाजुङ गाउँपालिकाका अध्यक्ष बबिकुमार राईले सम्मानपत्र र दोसल्ला ओढाएर सम्मान गर्नुभयो ।
नेपाली कांग्रेस मिक्लाजुङ गाउँपालिकाका का.वा. अध्यक्ष खगेन्द्र मादेनको सभापतित्वमा भएको सम्मान कार्यक्रम सचिव दीपक श्रेष्ठले सञ्चालन गर्नु भएको थियो । मावा नुनसरी सामूदायिक वनको साधारण सभा गत फागुन ४ गते भएको थियो ।