रङ्गेली (मोरङ) । मोरङको रङ्गेली अस्पतालले आइसीयु सेवा सञ्चालनमा ल्याएको छ । फागुन २४ गते बिहीबार रङ्गेली नगरपालिकाका प्रमुख दिलिपकुमार बगडिया र उप प्रमुख भुमा पराजुलीले आइसीयु सेवा र नव निर्मित विलिङ काउण्टरको संयुक्त रुपमा उद्घाटन गर्नुभयो ।
जिल्ला कै सबैभन्दा पुरानो सरकारी अस्पतालमा आइसीयु सेवा सुचारु गर्दै नगर प्रमुख बगडियाले क्रमिक रुपमा अस्पतालमा विशेषज्ञ सेवा बिस्तार गर्दै लगिने बताउनु भयो । उहाँले नीजि अस्पतालमा मोटो रकम खर्च गरेर उपचार गर्नुपर्ने बाध्यता हटाउन नगरपालिका क्रियासील रहेको बताउँदै नगरवासीको घर आँगनमा बिशेषज्ञ सेवा अबको अर्जुन दृष्टि भएको बताउनु भयो । सबै रोगको उपचार रङ्गेली अस्पतालमा हुन्छ,भन्ने अवस्थामा पु¥याउने उहाँको भनाई थियो । नेपालका मात्र नभई भारतीय सीमावर्ती गाउँका विरामी समेत आउने रङ्गेली अस्पतालमा अति विपन्न बिरामीको चाप हुने गरेको छ । उहाँले अति विपन्नलाई निशुल्क स्वास्थ्य बिमा गरेर उपचारको पहुँचमा पु¥याउँने बताउनु भयो ।
्
