उर्लाबारी/ यतिबेला पूर्वी मोरङको उर्लाबारीलाई उद्योग वाणिज्य संघको निर्वाचनले छोपेको छ । सबै आफ्ना एजेण्डा लिएर उद्योगी ब्यापारीका सामू पुगिरहेका छन् ।
कोही दलीय उमेद्वार छन् । कोही स्वतन्त्र । स्वतन्त्र मध्येको एक उमेद्वार हुन् , ज्ञानकुमार श्रेष्ठ (ज्ञानु ) उनी कहिल्यै सानातिना विषयमा स्टेनवाज गरेर आफूतिर ब्यापारी, उद्योगीको ध्यान खिच्दैनन । शुन्यबाट आफ्नो व्यापार सुरु गरेका उनी न सरकारबाट प्राप्त अनुदानको रवाफमा आफूलाई अब्बल ब्यावसायि प्रमाणित गर्छन ।
सधैं आफ्नो पेशा प्रति इमान्दार एउटा व्यावसायीको रुपमा परिचित ज्ञानु थोरै बोल्छन् । धेरै काम गर्छन । श्रम र रोजगारसँग विश्वास गर्ने ज्ञानुले देशमा चरम आर्थिक मन्दी हुँदा पनि आफूलाई ब्यावसायिक रुपमा कहिल्यै खुम्च्याएनन । उनै ज्ञानु अहिले उद्योग वाणिज्य संघको वरिष्ठ उपाध्यक्ष पदमा उमेद्वार छन् । २०६० सालमा उर्लाबारी उद्योग वाणिज्य संघको साधारण सदस्य लिएका ज्ञानु २०७० मा संघको निर्बिरोध कोषाध्यक्षमा निर्वाचित भए । त्यसयता उनले वाणिज्य संघमा पुन उमेद्वार बन्ने ईच्छा कहिल्यै गरेनन । किनकी नेतृत्व गर्न पहिले नेतृत्वकर्ता सबै पक्षमा सवल र सफल हुनुपर्छ भन्ने मान्यतामा थिए उनी । ज्ञानु फर्म मात्र भएका ब्यापारी होइनन् । उनी अहिले पनि पाँच छ वटा फर्म सञ्चालन गरिरहेका छन् । ज्ञानु भाषण, आशन र शासनका लागि चुनाबमा होमिएका होइनन् ।
साना देखि ठूलासम्म ब्यापारीका अलग अलग समस्या छन् । ति समस्याको समाधानको प्रयास गर्ने उनको एजेण्डा छ । विपद कोषमा ३ वर्ष भित्र १ करोड रुपियाँ बनाउने ,मृतक सदस्य राहत कोषलाई १ लाख पु¥याउने ,वस्तुगत संघ निर्माण गर्ने ,नगरमा रात्रिकालिन बजारको ब्यवस्था गर्ने, उर्लाबारी क्षेत्रका पर्यटकीय क्षेत्रको प्रबद्र्धन गर्ने ,घर बहाल कर ब्यवस्थित गर्ने लगायतका एजेण्डा लिएर उनी मतदाताकोमा पुगिरहेका छन् । ठूला ब्यापारीहरूले आन्तरिक राजश्व कार्यालयबाट लिने सेवाहरू भ्याट विवरण दाखिलामा, कर चुक्ता प्रमाणपत्र लिन ठूलो समस्या भोग्नु परिरहेको छ । त्यसका लागि सहजीकरण डेक्सको ब्यवस्था गर्नेछौं ।
ज्ञानुले अहिले पनि श्रेष्ठ ज्वेलरी,न्यु कृष्ण सप्लायर्स, एस इन्टरप्राइजेज र उज्यालो बेकरी उद्योग चलाइरहनु भएको छ । श्रेष्ठका सबै फर्महरूले सानातिना रोजगार समेत सिर्जना गरेका छन् । हाल ५० बढीले रोजगार पाइरहेको श्रेष्ठको भनाई छ । उनले भने– काम गर्नलाई वाणिज्य संघ जाने हो , म उद्योगी ब्यापारीको समस्यामा सधैं सहयोग गर्न तयार छु ।
