सुन्दरहरैँचा । मोरङको तत्कालिन हसन्दह गाउँ पञ्चायत वडा न. ७ (हाल पथरीशनिश्चरे नपा –६ ) बाट ४८ वर्ष देखि सम्पर्क विहिन हुनु भएका ढुण्डिराज भट्टराई भदौ ३ गते घर प्रवेश गर्दा परिवारका हर्षका आँशु खसेका छन् ।
खोटाङ जिल्लाको लामिडाँडामा २०१४ सालमा जन्मिनु भएका ढुण्डिराज बसाई सराईको क्रममा सुनसरी जिल्लाको मधुबन हुँदै सट्टाभर्ना पाई मोरङको हसन्दह पुग्नु भएको थियो । हसन्दहबाटै हराउनु भएका ६७ वर्षीय भट्टराई गत साउन २१ गते हालको घर खोज्दै सुन्दरहरैँचा–३ मा पुग्नुभयो । तर, उहाँका बुवा तुलसीको १५ महिना अघि मृत्यु भइसकेकोल काजकिरिया नगरी घरमा मिसिन दिइएन । त्यसपछि पूर्वीय शास्त्र ढुण्डिराजले बुबाको किरिया गर्नुभयो । किरिया सकेर विधि पूर्वक भदौ ३ गते उहाँ घर प्रवेश गर्नुभयो ।
उहाँ घर प्रवेश गर्दा ९४ बर्षकि आमा, भाइ,दिदीबहिनि, ज्वाई, नातिनातिना लगायतका परिवार सदस्यहरू डााको हालेर रुनु भएको छिमेकी शिव भट्टराईले बताउनु भयो । २०३३ साल यता धेरै सम्पर्क बिहीन ढुण्डिराजलाई परिवारले माया मारिसकेको थियो । तर, घरमा टुप्लुक्क आइपुग्दा परिवार मात्र होइन । गाउँघरका सबै चकित भएका थिए । ढुण्डिराज भारतको मुम्बई स्थित एक आश्रममा बस्दै आउनु भएको थियो ।