काठमाडौं, ८ असोज । काभ्रेको पनौतीमा काठमाडौं मेडिकल कलेजले निःशुल्क स्वास्थ्य शिविर आयोजना गरेको छ । केएमसीले आज ज्येष्ठ नागरिक चौतारी समाज र पनौती वडा नं. ११ सँगको सहकार्यमा बडकेश्वर स्कुलमा निःशुल्क स्वास्थ्य शिविर आयोजना गरेको हो ।
शिविरमा ६२१ जना सर्वसाधारणको निःशुल्क स्वास्थ्य जाँच गरिएको केएमसीका जनरल मेनेजर नारायण दाहालले जानकारी दिए । शिविरमा आएका मध्ये ७५ जनाको इसिजी, ११५ जनाको ल्याब परीक्षण, ८९ जनाको भिडियो एक्सरे गरिएको छ । भने, १३ जनाको दाँत खोलिएको र २३ जनालाई थप उपचारका लागि ओ.टी. रेफर गरिएको जनरल मेनेजर दाहालले जनाए । शिविरमा
सामाजिक उत्तरदायित्व अन्तरगत आम जनताका घरदैलोमै स्वास्थ्य सेवा पुर्याउने अभिप्रायले केएमसीले निःशुल्क स्वास्थ्य शिविर चलाईरहेको हो । स्वास्थ्य शिविरबाट गरिब विपन्न तथा स्वास्थ्यको पहुँचबाट बञ्चित नागरिक बढी लाभान्वित भएको केएमसीकी कार्यकारी अध्यक्ष सोयना शर्माले बताइन् । समाजसेवी, राजनीतिज्ञ डाक्टर सुनिल शर्मा तत्कालिन केएमसीको कार्यकारी हुँदा निःशुल्क स्वास्थ्य शिविरको सुरुवात गरेका थिए ।
