पथरीशनिश्चरे २७ भदौ । चौथो संस्करणको पथरीशनिश्चरे प्रिमियर लिग क्रिकेट प्रतियोगिताको अक्सनका लागि २३२ खेलाडी दर्ता भएका छन् । विभिन्न ३ ‘क्याटोगरी’ अन्तरगत ति खेलाडी दर्ता भएका हुन् । पथरीशनिश्चरे प्रिमियर लिग आयोजक समितिका अनुसार असोज ६ गते हुने अक्सनबाट ७ वटा क्लबले कम्तीमा १४ खेलाडी अनुबन्धन गर्नु पर्नेछ ।
लिगको चौथो संस्करण यस वर्ष कात्तिक १० बाट सुरु हुने भएको छ ।
आयोजकले अक्सनका लागि प्रकाशित गरेको खेलाडी ‘ड्राफ्ट’मा पहिलो ‘क्याटोगरी’मा ५१ जना खेलाडी ‘ए क्याटोगरी’मा दर्ता भएका छन् । ३३ जना ‘वि’ मा र १४९ जना ‘सि क्याटोगरी’मा दर्ता भएका छन् । ‘क्याटोगरी ए’ मा दर्ता भएका खेलाडीको ३ हजार ‘वेस प्राइज’ तोकिएको छ भने ‘वि’ को २ हजार र ‘सि’ को १ हजार ‘वेस प्राइज’ तोकिएको छ । प्रत्येक टिमका लागी ५० हजार रुपियाँ ‘वालेट’ राखिएको छ ।
यस संस्करणमा २ जना खेलाडीलाई मात्र ‘रिर्टन’ गर्न पाउने छन भने अरु खेलाडी ‘रिलिज’ गर्नु पर्ने आयोजक समितका अध्यक्ष विरोज मगरले जानकारी दिनुभयो । पथरीशनिश्चरे भित्रका खेलाडीलाई मात्रै सहभागी गराउँदै आएको प्रतियोगीताको चौथो संस्करणबाट नगर बाहिरका चार खेलाडीलाई क्लबले अनुबन्धन गर्न पाउने भएको छ । ‘बाहिरका खेलाडी पनि सहभागी गराएर प्रतियोगिताको स्तरवृद्धि गर्न लागेका छांै’– अध्यक्ष मगरले भन्नुभयो ।
यसवर्ष हुने प्रतियोगिताको अक्सन ड्राफ्टमा उमेर समुहबाट अन्तर्राष्ट्रिय प्रतियोगितामा सहभागि हुनु भएका दिपेश कडेलदेखि प्रदेशको टोलीबाट विभिन्न कपमा सहभागिता जनाएका खेलाडीहरूले प्रतिस्पर्धा गर्नेछन् । समेटीएका छन् ।खेलाडीको ड्राफ्टमा प्रदेशको टिमबाट राष्ट्रिय प्रतियोगितामा सहभागिता जनाएका फिरदोस अन्सारी,सोनु मण्डल,श्रवण यादव,ज्ञानेन्द्र श्रेष्ठ,सुजन थपलिया लगायतका खेलाडीलाई ड्राफ्टमा समेटिएको छ ।
आयोजकका सचिव राकेश राईका अनुसार प्रतियोगिताको आकर्षण विस्तारै बडढ्ैछ । खेलाडीहरूको आकर्षणकै कारण प्रतियोगीतालाई निरन्तरता दिन सकिएको हो । पथरीशनिश्चरेमा मात्र क्रिकेटका प्रदेश स्तरीय ३ वटा प्रतियोगिता आयोजना हुने गरेको विगत भएपनि हाल ति प्रतियोगिताले निरन्तरता पाउन सकेका छैनन् ।
यस पटक सवैभन्दा कम १० वर्षका खेलाडी समेत अक्सनको लिष्टमा समेटिएका छन भने ४३ वर्षका खेलाडी राज वस्नेतको समेत नाम अक्सन लिष्टमा रहेको छ । अघिल्लो संस्करणमा भन्दा यस संस्करणको अक्सनमा धेरै खेलाडी दर्ता भएका छन् । पहिलो संस्करणमा १३६ जना खेलाडी अक्सनमा सहभागी भएका थिए भने अघिल्लो संस्करणमा १३५ खेलाडीलाई अक्सनमा सहभागी गराएर टिमले खरिद गरेका थिए ।
स्थानीय क्रिकेट खेलाडीको उत्पादन गर्न र क्रिकेट प्रतिभा पहिचान गर्न चौथो संस्करणको क्रिकेट लिग प्रतियोगिता आयोजना गर्न लागिएको अध्यक्ष विरोज मगरले बताउनु भयो । ‘पथरीशनिश्चरे नगरभित्रका क्रिकेट खेलाडीको खेल स्तरवृद्धि गर्न र नगरभित्रबाट क्रिकेट प्रतिभा खोज्न पनि लिगको महत्वपुर्ण भुमिका रहने मगर बताउनु हुन्छ ।
चौथो संस्करणमा सात क्लवले प्रतिष्पर्धा गर्नेछन् । पहिलो संस्करणबाट सहभागी मङ्गलबारे लिजेण्ड र हिसाव किताब ट्राइडेन्सले चौथो संस्करणको पथरीशनिश्चरे प्रिमियर लिग क्रिकेट प्रतियोगीताबाट बाहिरिने निणर्य गरेपछि नयाँ क्लबका रुपमा गोर्खा लिजेण्डले पहिलो पटक सहभागिता जनाउँदैछ ।
पहिलो संस्करणको विजेता रोयल किङ, दोश्रो र तेश्रो संस्करणको विजेता सात बाघसँगै आइतबारे अस्त्र, वीरेन्द्रनगर स्टिल टाइगर, बुद्ध युनाइटेड, क्लासिक एलाभेन हसन्दह र नव प्रवेशी गोर्खा लिजेण्डले प्रतियोगितामा सहभागिता जनाउने निश्चित भएको छ । पथरीको जाँते मोडमा रहेको पथरी रंगशालामा प्रतियोगिताका सबै खेल हुने छन् । क्रिकेट मैदान अभावका कारण नियमित फुटवल प्रशिक्षण र प्रतियोगिता हुँदै आएको पथरी रङ्गशालालाई केही मर्मत गरेर प्रतियोगिता आयोजना गर्न लागिएको हो । प्रतियोगिता सम्पन्न गर्न करिव १० लाख रुपियाँ खर्च हुने अनुमान गरिएको छ ।