रङ्गेली/ मोरङको रङ्गेलीमा पुस ५ गते देखि रङ्गेली प्रिमियर लिग क्रिकेट प्रतियोगिता हुने भएको छ ।
रङ्गेली खेलकुद समाजको आयोजनामा हुने प्रतियोगितामा रङ्गेली नगरपालिकाका ६ वटा टिमले उपाधिका लागि प्रतिस्पर्धा गर्नेछन् । 
स्थानीय जनता क्याम्पसको खेल मैदानमा हुने प्रतियोगितामा चोप्राहा सनराइज,सनसारीमाई च्यालेन्जर्स,दर्वेशा वारियर्स,रन्जनी राइनोज,मलङ स्टार र आमगाछी इगलले प्रतिस्पर्धा गर्नेछन् । प्रतियोगिता सञ्चालन गर्न १३ लाख रुपियाँ खर्च हुने अनुमान गरिएको छ । प्रतियोगिताका विजेता १ लाख नगद सहित प्रमाणपत्र र उप विजेताले ५१ हजार नगद रुपियाँ र प्रमाण पत्र प्रदान गरिने छ ।
प्रतियोगिता पुस ५ गते सुरु भएर पुस १९ गते समापन हुनेछ ।
