पथरीशनिश्चरे । राइजिङ ब्रदर्स सुजना छैंटांैं अन्तर्राष्ट्रिय आमन्त्रण शरणार्थी च्यालेन्ज कप फुटबल प्रतिगोगिता २०२४ आगामी फागुन १० गते देखि हुने भएको छ । प्रतियोगिता मोरङको पथरीशनिश्चरे १० स्थित प्रस्तावित नगर रङ्शालामा हुनेछ ।
शनिवार भुटानी शरणार्थी शिविर पथरीशनिश्चरे १० मा भएको पत्रकार सम्मेलनमा खेल सम्बन्धि जानकारी गराइएको हो ।युवा मैत्री केन्द्र पथरीशनिश्चरे १० र शरणार्थी शिविर ब्यवस्थापन समितिको संयुक्त आयोजनामा हुने प्रतियोगितामा कोशी प्रदेशका उत्कृष्ट ९ वटा टिम र भारतको एउटा गरी १० वटा टिमले सहभागिता जनाउने छन् । फुटबल टिम ब्यवस्थापन समितिका संयोजक दिपक राईका अनुसार पश्चिम बंगाल भारतको कञ्चनजंघा फुटबल क्लब,बेलबारी फुटबल क्लब,विर्तामोड युनाईटेड झापा,,फेयर क्लब धरान सुनसरी, वीवाइसी वेलडाँगी दमक,पथरी फुटबल क्लब ,रारा क्लब धनकुटा,डाँगीहाट फुटबल क्लब मोरङ,ससस्त्र प्रहरी बल पकली सुनसरी र वाइएफसी पथरीले प्रतियोगितामा भाग लिनेछन् ।
प्रतियोगिताका विजेताले नगद २ लाख १ रुपियाँ सहित च्यालेन्ज कप प्राप्त गर्नेछ । यस्तै उप विजेताले नगद १ लाख १ हजार रुपियाँ सहित प्रमाणपत्र प्राप्त गर्नेछ । हरेक खेलमा म्यान अफ द म्याच घोषित हुने खेलाडीलाई नगद ३ हजार नगद र मेडल प्रदान गरिनेछ । यसैगरी फाइनल खेलको दिन गोल्डेन वुट,उत्कृष्ट गोलरक्षक, सर्वाधिक गोलकर्ता, उत्कृष्ट फरर्वाड,उत्कृष्ट मिडफिल्डरको उपाधि विजेता खेलाडीलाई जनही ५ हजार नगद , मेडल र प्रमाणपत्र प्रदान गरिनेछ ।फुटबल खेलको राइजिङ ब्रदर्स र सुजना डान्स सेन्टरले प्रायोजन गर्ने भएका छन् । फुटबल खेल सम्पन्न गर्न २२ लाख खर्च हुने अनुमान गरिएको छ ।
युवा मैत्री केन्द्र ( युथ फ्रेन्ड्ली सेन्टर ) का अध्यक्ष करणराज राईको अध्यक्षता भएको पत्रकार सम्मेलनमा पुर्व फुटबल खेलाडी दिपक राई लगायतको उपस्थिति थियोे । शरणार्थी र स्थानीय बासिन्दा बीच सम्बन्ध स्थापना गर्न हरेक वर्ष विभिन्न संघ संस्थाले मोरङको पथरीशनिश्चरे र झापाको दमकमा फुटबल खेल हुँदै आएको छ ।