
उर्लाबारी २६ असाेज । विआरसी फुटबल क्लब पथरी माेरङकाे उर्लाबारीस्थित आम्बारीमा जारी नकाउट फुलबल प्रतियोगिताको अन्तिम चारमा प्रवेश गरेको छ । शुक्रबार भएको फुटबल खेलमा शहिद गेट केर्खालाई २-१ गोल अन्तरले पछि पार्दै बिआरसि फुटबल क्लब पथरी सेमिफाइनलमा प्रवेश गरेको हो ।
खेलको १८ औं मिनेटमा केर्खाका उत्सब पौडेल गोल गर्दै टिमलाई अग्रता दिलाएका थिए । एक गोलले अग्रता लिएको केर्खाले अग्रता ६ मिनेट पनि जाेगाउन सकेन । बिआरसि पथरीका उमेस राईले २४ अाैं मिनेटमा गोल गर्दै खेल बराबरीमा ल्याए । एकदमै रोचक प्रतिस्पर्धा भैरहेको खेलको इन्जुरि समयमा बिआरसिका मनोज शेर्पालाई गोल गर्दै टिमको जित सुनिश्चित बनाए । खेलको म्यान अफ द म्याच बिआरसि पथरीमा मनोज शेर्पा घोषित भए। शनिबार आयोजक आम्बारी स्पाेर्टिङ क्लब र सिअफसि गौरादह क्लब बिच खेल हुनेछ ।